قبل مانام

 اصلا قلنا هنبطل عقل   خلاص بقى راح زمانه  
خليها تهيس
  ال عقل ال حد قال عقل

 لا ياخويا ال عقل ال
ونجبوه منين ده
 قطع غياره خلصت
http://www.youtube.com/watch?v=nJ5TQpvzT4I


 يلا بقى اسمع انا بقى وانام   بس  لسه هعمل كل ده مش مهم هضحك عليكم برضه بس ماتقولوش لحد


هاهاهاهاهاهاهاهاهاهاهاهاهاهاها

شويه رست وفرفشه

                            تعبت ومليت وفعلا اتخنقت من كل حاجه من اخبار
ويوم زى اللى قبله
                                                   واسئله تحير وتدوخ
                        
                        وتتعب القلب هو يعنى القلب كان ناقص انقلاب علشان يتوجع
      ماللى فيك مكفيك يقلبى
هاخد هدنا من الاخبار هرتاح شويه
 شويه رست وشويه راحه شويه فضفضه وفرحه
بس ياترى هعرف امثل الفرحه وازيف الدموع لضحكه
يلا فيها اي يعنى لما نحاول


فين ضحكاتك يااقلبى اللى كانت بتهز البيت
 ايه ماوحشتكش كلام اميرة
وهى بتقو والله انتى دماغك فاضيه
وبابا وهو داخل اوضتى وانا بكلم الصور اللى ع الحيط ويضحك ويقول هيجننوكى
واضحك واقول هما لسه هيجننونى
 وماما وهى بتقول ربنا يكون ف عونه
هياخد مقلب لما يكتشف انك مجنونه
 واقولها ماهو كمان اجن منى
وحشنى والله حتى نقارى مع الواد محمد
وهو جاى بينق عليا ويقولى بخاف عليكى تمشى ف الشارع  جمال طبيعى وعيون جميله وصوت وووو
واضحك واقوله جيب من الاخر عاوز ايه
اه يااامحمد لو تعرف ان الشارع واحشنى
 واهى خلصت الاجازة
وماخرجتش ولا روحت ولا جيت وضاعت عليا الرحله كمان
 ياااخراشى دى كانت ايام
ايه رائيك بقى يااقلبى هرجعها تانى
 ماهو انا زى مانا
البلد حالها تعبان  مانا اعمل بلد ليا لوحدى
وايه يعنى
 يلا   ماهى كده كده مجانينو فله
 نرجع لشغل الجنان اصل لا العقل نافع ولا الجنان نافع

يلا شويه رست وفرفشه
  قطيعه ماحدش بياكلها بالساهل


مالها يعنى لما اكبر دماغى هتقولى مجنونه هقولك ايوة عنبر مجانين
مستشفى كامله لو عاوزة هتقولى اعقلى هقولك هحجز لك  عنبر جمبى قريب ياعاقله
هتضحك عليا يامحمد اضحك عليا بمزاجى مانا عارفه انى زى القمى هذا من فضل ربى
 هيجننونى يابابا هما لسه هيجننونى   ياعم سيبها ع الله   اتكلم مع العيال بتوعى ع الحيط احسن من البنائدمين
يلا جنان ف جنان  هما العاقلين خدو منها حاجه
  ويلا شويه اغانى كمان
ياترى نسمع مين
لاحليم ولا الست    ادينا اجازة للفهم  والحب كمان خلينا ف الجديد
ولا حتى ابوالليف
ولا اقولك ابوالليف
دولا مجانين

فليحيا المجانين 

ليه وصلنا لكده

 بضحك وقلبى موجوع
وانا بقول لاخويا اللى فى ثانوى ولا حتى اللى ف ابتدائى عيب
ماتقولش كلام غلط
حرام ماتغلطش فى اللى اكبر منك
حفظو كلامى
عرفو ان الرسول(قال ليس منا من لايحترم كبيرنا ويعطف على صغيرنا)عرفو انهم لما يلاقو حد بيغلط ف الكبير يوقفو عند حدو
ولو شافو حتى حد بيضرب حيوان يقولو حرام عليك
اتعلمت كده
وعلمتهم كده
حطتهم ف عنيا وخفت عليهم
 دلوقتى بستغرب وبسأل هو ماكنش فى كده
هو انا غلط انى بعلمهم الصح
فين المثل الاعلى
واحترام الكبير
الاقى ناس  وعيال بيغلطو  فى لاللى اكبر منهم  ولا حد بيقول ستوب
عيب مايصحش حرام

ليه مابنقولش لاخواتنا لاء وستوب وكفايه
واحنا مسلمين
وسيبنا ايه لغيرنا
اللى لاليهم دين ولااخلاق
ايه للدرجه دى وصل بينا الاستهتار
اننا ننسى الصح
والعيب والحرام
نعمل اللى ع هوانا
ليه وعلشان ايه
نغلط فى ولى امرنا ليه
علشان طلعنا مش فاهمين
 ده ربنا نهانا عن كده
 والزمنا بطاعه ولى الامر

من امتى وانا المفروض احاسب ابويا ولا اقف قدامه
ولا اطلب منه يشيل اسمه من بطاقتى
 لا ليه ده كله


اهدا ياقلبى واستريح شويه ياعقلى
ماحنا بقينا فى زمن الجايز والممكن والمعقول
بنحلل الحرام ونحرم الحلال
 اهدا  وماتزعلش تربيتك الصح  مش عيب
ولا اللى زرعته ف اخواتى عيب
لكن اللى عيب ان مافيش زيك كتير


ربنا معانا
واللى جاى يرضينا
مانقولش ياريت
ويالف خسارة ع العمر اللى  ضاع  والدين اللى اختفى والزمن اللى ضيع مننا معانينا الحلوة
وزيف الحقايق

احاسيس غريبه

حال غريب
واحاسيس متناقضه
خوف وقلق
 كلام وناس مش فاهمه
ويمكن اكون انا كمان مش فاهمه
بس بجد اللى انا فهماه
ان احساسى مابيكدبش عليا
وان اكيد الصح هو الصح
وااغلط مابيختلفش عليه اتنين
 احنا ليه بقينا مفرقين
 مش فاهمين
 محركين زى اللى مغيبن
 ماعرفش ان كان ده بفعل حد ولا لاء
والناس فعلا فاض بيها
بس انا عن نفسى بقيت خايفه
كنت قبل كده قلقانه من بكرة
وسايباه على ربنا
متصالحه مع نفسى
بفلسف كل حاجه بطريقتى
بلاقى طرق لاسعاد نفسى ومن  حولى ؟
لكن الان اشعر بالاحباط بعدم الفهم
ماهذا الذى حل بنا
 مالذى اصبح يحدث لنا من المسئول
هل  من ارادوا العبث بنا وجدو بيننا طريق لاسقاطنا وجدو طريق لتفرقتنا
لم اعد احتمل كم الضغوطات على
وعلى عقلى الذى بات يرفض كل ماهو واضح وماهو غير واضح
اكره  من يدبر
ويحرك كالمغيب
ومن يريدون ان يكونو ابطال على حسابنا
لسنا محتلين
ولكنا حقا فى قمه الاحتلال احتلال الفكر والثقافه
احتلال الضغط
والرأى والرأى الاخر
كيف لى وانا كنت بالامس حرة طليقه  فى بلد الامان اتحامى فى رجالها ومبانيها وجدرانها مساجدها وكنائسها واليوم اصبحت اسيرة من الخوف والالم اتابع القنوات والاراء ابقى محبوسه بين حيطان
مالها الناس
ايه الشباب هما اللى حاسين بالظلم
ده بقالو 30 سنه
اللى بيطلعو مظاهرات اللى عنهم من10سنين ولا 25 حتى شافو ايه ماهم عايشين عواله ع اهاليهم
والناس اللى شافت اللى قبل كده وعاشت ف عهد الرئيس مبارك
ماقموش ليه من زمان
جاين قبل الفترة الرئاسيه ماتنتهى ويعملو انقلاب
ايه الهبل ده
اسئله كتير تحير وتتعب
فلسفتى مابقتش نافعه
راى وفى ثوانى نقيضه تماما
من الاخر هنوصل لفين
 مغيبن ليه
 مابنفكرش ليه اننا لازم نكون ايد واحده قبل مانفرج الناس علينا
قبل مانقول ياريت اللى جرا ماكان

ربنا يستر
ونفهم ونعمل حتى لو مش ع اقتناع نخاف ع بعض وع بلدنا اللى كان فيها مافيها بس كان فيها امان
فيها نقاء الشعب المصرى اللى بينضرب بيه المثل ياخساره بجد